Ўзбекистонлик спортчи Нигина Абдураимова Япониянинг Куруме шаҳрида бўлиб ўтган, мукофот жамғармаси 50 минг долларга тенг ITF туркумидаги теннис турнирининг вице-чемпионига айланди.
Халқаро теннис федерацияси расмий сайтининг маълум қилишича, финал баҳсида 21 ёшли ўзбекистонлик теннисчи япониялик Кёка Окамурага қарши кортга чиқди. Икки соат 52 дақиқа давом этган беллашувда 7:6, 1:6, 7:5 ҳисоби қайд этилиб, мезбон теннисчининг фойдасига ҳал бўлди.
Қиёс учун, Нигина Абдураимова WTA рейтингида 219, Кёка Окамура эса 272-поғонани эгаллаб турибди.
Эслатиб ўтамиз, финалга қадар Абдураимова франциялик Жосефин Буалемни 6:4, 7:6, япониялик Канаэ Ҳисамени 4:6, 6:3, 6:1, британиялик Кэти Данни 6:4, 6:3 ҳамда россиялик Ксения Ликинани 6:1, 6:3 ҳисобида мағлубиятга учратганди.
Изоҳ (0)