Мавсумдаги бешта турнирнинг тўрттасида муваффақиятсиз иштирок этган «Манчестер Юнайтед» клуби Англия Кубоги финалида зафар қучди. Лондондаги «Уэмбли» стадионида кечган финалда Луи Ван Гал шогирдлари «Кристал Пэлас» устидан иродали ғалабага эришди.
Учршувнинг 78-дақиқасига келиб Жейсон Панчон лондонликларни ҳисобда олдинга олиб чиққан бўлса, орадан уч дақиқа ўтиб Хуан Мата мувозанатни тиклади. Асосий вақтда бошқа гол киритилмагач, бош ҳакам Марк Клаттенбург 15 дақиқадан иккита қўшимча тайм белгилади.
105-дақиқага келиб «МЮ» футболчилари майдонда бир киши кам бўлиб қолди. Англия Премьер-лигасида кучли тўртликка кира олмай, Чемпионлар Лигасидан чиқиб кетган жамоа ҳимоячиси Крис Смоллинг майдондан четлатилди.
Шунга қарамай, «Юнайтед» беш дақиқадан кейин ғалаба голини киритди. Лингарднинг голига «Кристал Пэлас» футболчилари жавоб бера олмади. Англия Премьер-лигаси, Англия Лига Кубоги, Европа Чемпионлар Лигаси ва Европа Лигасидаги муваффақиятсизликлардан кейин «Манчестер Юнайтед» Англия Кубогини қўлга киритди.
Англия КубогиФИНАЛ 21 май, шанба
Изоҳ (0)