Андижон давлат университети Физика-математика факультети талабалари Ўзбекистон Мустақиллигининг 25 йиллигига бағишлаб, рангли сув тўлдирилган стаканлардан давлат байроғини ясади. Бу ҳақда Facebook’даги «Биз — буюк юрт фарзандларимиз» гуруҳида видеохабар қолдирилган.
Хабар беришларича, байроқни тайёрлаш учун 0,7 тонна сув, 3412 дона пластик стакан, ҳар хил рангли бўёқлар керак бўлган. Байроқ ўртасида «25», остида эса «UZBEKISTAN» ёзуви бор.
Байроқни тайёрлаш учун 12 киши 14 соат давомида меҳнат қилган. Бутун жараён юқоридан видеога олиб турилган. Видеохабарда 14 соатлик жараён (тезлаштирилиб) 1 дақиқа 45 сонияга сиғдирилган.
Маълумот учун, Ўзбекистоннинг турли бурчакларида мамлакат Мустақиллигининг 25 йиллигига бағишлаб «Ватанимга дил изҳори» акциялари ўтказилмоқда ва унинг иштирокчилари томонидан асосан 25 сони турли йўсинда акс эттирилмоқда.
Изоҳ (0)