Озарбайжон пойтахти Боку шаҳрида бўлиб ўтган «Катта дубулға» туркумидаги турнирдан сўнг Халқаро дзюдо федерацияси янги олимпия рейтинг жадвалини эълон қилди, деб хабар бермоқда Ўзбекистон Миллий олимпия қўмитаси матбуот хизмати.
Унга кўра, Ўзбекистон эркаклар терма жамоаси аъзолари ўз вазн тоифаларида қуйидаги ўринларни банд этиб турибди.
-60 килограмм
Диёрбек Ўрозбоев – 7-ўрин
Шарофиддин Лутфуллаев – 11-ўрин
-66 килограмм
Ришод Собиров – 9-ўрин
-73 килограмм
Мирали Шарипов – 10-ўрин
-81 килограмм
Шаҳзодбек Собиров – 20-ўрин
Яҳё Имомов – 26-ўрин
-90 килограмм
Шерали Жўраев – 24-ўрин
-100 килограмм
Рамзиддин Саидов – 31-ўрин
+100 килограмм
Абдулло Тангриев – 19-ўрин
Маълумот учун, дзюдо бўйича Олимпиада ўйинларининг йўлланмалари учун рейтинг очколар ўйналадиган мусобақалар 29 майга қадар давом этади ва шундан сўнг Халқаро дзюдо федерацияси Олимпиада ўйинларига йўлланма олган спортчилар рўйхатини эълон қилади.
Қоидага кўра, эркаклар ўртасида ҳар бир вазн тоифасида 1–22-ўринларни банд этган дзюдочилар Рио–2016 ўйинлари йўлланмасига эга бўлади. Лицензиялар ҳар бир давлатдан бир нафар спортчига берилишини инобатга олсак, бугунги кунга келиб Ўзбекистон эркаклар терма жамоаси аъзолари ҳар бир вазн тоифасида Олимпиада ўйинларининг йўлланмасини қўлга киритадиган спортчилар рўйхатидан ўрин эгаллаб турибди.
Қайд этиш жоиз, -100 килограмм вазн тоифасида иштирок этувчи Рамзиддин Саидовда Осиё квотаси мавжуд.
Изоҳ (0)