Ироқда бомба портлаши оқибатида беш киши ҳалок бўлди

Ироқда бомба портлаши натижасида беш киши ҳалок бўлди, яна 14 киши жароҳат олди, дея хабар бермоқда «ТАСС».

Мамлакат ички ишлар вазирлиги вакили AFP’га маълум қилишича, бомба Бағдоддан 40 км масофада жойлашган қабристонда дафн маросими чоғида портлаган.

Ҳозирча минтақада фаолият олиб борадиган ҳеч қайси террорчилик гуруҳи портлаш юзасидан жавобгарликни ўз бўйнига олгани йўқ.