Мухолифатдаги Сурия озод армиясига (СОА) кирувчи қуролли гуруҳлар ягона ҳарбий блок яратилганини эълон қилди. Бу ҳақда Forbes хабар бермоқда.
37 та отряд вакиллари имзолаган баёнотда СОА томонидан назорат этилаётган исталган ҳудудга ҳужум блокка қарши тажовуз сифатида баҳоланиши ва куч ёрдамида жавоб берилишига олиб келиши билдирилган.
Ҳужжатда Сурияда икки ой аввал эълон қилинган ўт очишни тўхтатиш тартиби барбод бўлгани, Башар Асад қўшинлари, жумладан, Алеппода интенсив бомбардимонларни амалга ошираётгани таъкидланган.
«Мазкур тартиб минтақавий жиҳатдан бўлинишига ҳеч қачон рози бўлмаймиз. Ўт очишнинг тўхтатилишига мамлакатнинг барча ҳудудларида амал қилиниши лозим», — дея маълум қилган СОА вакиллари.
Изоҳ (0)