АҚШнинг Техас штатида ўсмир қиз аттракцион кабинкасидан тушиб кетиб, ҳалок бўлди. Бу ҳақда «РБК» хабар бермоқда.
Фалокат Эль-Пасода диний байрамга бағишланган карнавалда содир бўлди. Уч нафар қиз тез айланувчи каруселда учаётганда улардан иккиси (15—18 ёшлардаги ўсмирлар) пастга қулади. Қизлардан бири воқеа жойида ҳалок бўлди, иккинчиси эса касалхонага ётқизилди. Учинчи ўсмир кабинкада қолди.
Ҳалок бўлган қиз металл тўсиққа урилгани айтилмоқда. Полиция ҳодиса тафсилотларини ўрганишга киришди.
Изоҳ (0)