Германия ҳукумати ўзининг ИШИДга қарши халқаро аксилтеррор операцияда иштирок этаётган Tornado разведкачи самолётлари, шунингдек, ёқилғи қуювчи самолётлари учун Туркияда база қуришни режалаштирмоқда. Бу ҳақда, Der Spiegel нашрига асосланиб, «Газета.ru» хабар бермоқда.
Авиабаза мамлакат шимолидаги Инжирлик базасига яқин ҳудудда жойлашади. У учиш майдончаси, казармалар, полигон ва ҳордиқ марказини ўз ичига олади. Қурилишга Бундесвер 65 миллион евро сарфлайди.
Германия кучлари ҳозирча Инжирлик базасидан фойдаланиб келмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)