2016 йилнинг 21 апрель куни Буюк Британиянинг Ўзбекистондаги элчиси Кристофер Аллан Америка савдо палатасининг (AmCham) ҳар ойда бўлиб ўтадиган учрашувида чиқиш қилди ва Буюк Британия ҳақида сўзлаб берди. Бу ҳақда элчихона матбуот хизмати «Дарё»га маълум қилди.
Учрашув International Tashkent меҳмонхонасида бўлиб ўтди ва Америка савдо палатасининг 40 дан ортиқ аъзосини бирлаштирди.
Элчи ўз чиқиши давомида Буюк Британия иқтисодиёти ҳақидаги асосий маълумотлар, у бошдан кечирган ўзгаришлар ва турли соҳалар бўйича ҳозирги тизими ҳақида сўзлаб берди. У, шунингдек, Ўзбекистон бозорида фаолият кўрсатаётган Британия компаниялари ҳамда Ўзбекистон ва Буюк Британия хусусий сектори учун мавжуд имкониятлар ҳақидаги маълумотлар билан бўлишди.
Кристофер Аллан ўз нутқида эслатиб ўтган икки имконият Экспорт кредитларини кафолатлаш департаменти (UK Export Finance) ва 2016 йилда бўлиб ўтадиган Халқаро бизнес фестивали (IFB 2016) билан боғлиқдир.
Изоҳ (0)