13 апрель, чоршанба куни Тошкентда ШҲТга аъзо давлатлар Хавфсизлик кенгашлари котибларининг йиғилиши доирасида Ўзбекистон Республикаси Президенти қошидаги Хавфсизлик кенгаши котиби В. Маҳмудов Тожикистон Республикаси Хавфсизлик кенгаши котиби А. Қаххаров билан учрашди. Бу ҳақда Ўзбекистон Республикаси Ташқи ишлар вазирлиги матбуот хизмати хабар бермоқда.
Учрашув мобайнида икки томонлама муносабатларнинг ҳолати ва уларни ривожлантиришнинг истиқболли йўналишлари муҳокама қилинди, қатор минтақавий ва халқаро муаммолар юзасидан фикр алмашилди.
Суҳбат давомида ШҲТга аъзо давлатларнинг янги таҳдид ва хатарларга қарши курашишдаги ҳамкорлигини мустаҳкамлаш масалалари муҳокама қилинди ҳамда бўлажак ШҲТга аъзо мамлакатлар давлат раҳбарлари Тошкент саммитига тайёргарлик жараёни юзасидан фикр алмашилди.
Изоҳ (0)