Ўтган март ойи мобайнида Россияда GM Uzbekistan томонидан ишлаб чиқарилган 1677 машина сотилди. Харидлар бобида Ўзбекистон автомобилсозлари Россия бозорида ҳисобот даврида 19-ўринни эгаллади, деб хабар беради «Газета.uz» Европа бизнеси уюшмаси автомобилсозлар қўмитаси маълумотларига асосланиб.

Февраль ойига нисбатан ўсиш 5,7 фоизни ташкил қилди — ўшанда жами 1586 машина сотилган эди. Ўтган йилнинг март ойига қиёслаганда эса (1757 авто) кўрсаткич 4,6 фоизга тушиб кетди.

2016 йилнинг биринчи чорагида Россия бозорида GM Uzbekistan жами 4532 автомобиль реализация қилди. Бу 2015 йилнинг шу даврига нисбатан (5411 авто) 16,2 фоизга кам демакдир.

Gentra GM Uzbekistan’нинг Россияда энг кўп сотилаётган модели бўлиб қолмоқда — мартда 1162 (ўтган йил мартида — 1181 дона ёки 1,6 фоизга кўпроқ), чорак давомида эса 3308 бундай машина сотилди (ўтган йил биринчи чорагида — 3090 дона ёки 7 фоизга камроқ). Россия бозоридаги энг харидоргир моделлар рўйхатида Gentra 25-ўринни сақлаб қолди.

GM Uzbekistan’нинг Россия бозоридаги улуши ўтган йил кўрсаткичларига нисбатан ўзгаришларсиз қолди — март ойида 1,3 фоиз, биринчи чоракда эса 1,4 фоиз.