Бутунжаҳон бокс ассоциацияси (WBA)нинг суперенгил вазн тоифасидаги чемпиони британиялик Карл Фрэмптон WBA камаридан маҳрум қилинди, деб хабар беради «Bigmir.net».
Карл Фрэмптон чемпионлик камари учун даъвогар кубалик Гильермо Ригондо билан мажбурий жанг ўтказмагани учун WBA раҳбарияти уни чемпионлик камаридан маҳрум қилишга қарор қилди.
Эндиликда эгасиз қолган WBA камари учун кубалик Гильермо Ригондо ва WBA рейтингида биринчи ўринни эгаллаб турган мексикалик Мойсес Флорес ўзаро жанг ўтказади.
Маълумот ўрнида, Карл Фрэмптон профессионал фаолияти давомида 22 та жанг ўтказиб, барчасида (14 тасида нокаут билан) ғалаба қозонган. Гильермо Ригондо ҳам ўтказилган 16 та жангининг барчасида (10 тасида нокаут билан) муваффақият қозонган. Мойсес Флорес 24 та жанг ўтказган ва у ҳам барчасида (17 таси нокаут билан) зафар қучган.
Изоҳ (0)