Япония ҳаво кучларининг 6 апрель, чоршанба куни йўқолган Hawker Beechcraft U-125 реактив самолёти бортида бўлган 6 нафар экипаж аъзосининг жасади Кагосима префектурасидан топилди. Бу ҳақда мамлакат мудофаа вазирлиги вакиллари маълум қилди, дея хабар беради «ТАСС».
Қутқарувчилар жасадларни самолёт билан алоқа узилган Такакума тоғи чўққисидан топган. Уларнинг ёнида ҳалокатга учраган ҳаво кемаси фюзеляжи бўлаги топилган. Айни пайтда самолётнинг бошқа қисмлари қидирилмоқда.
Икки моторли U-125 6 апрель, чоршанба куни эрталаб Сайтама префектурасидаги Ирума базасидан парвоз қилган ва тушки пайт Каноя базасига (Кагосима префектураси) қўнган. Шундан сўнг самолёт Такакума тоғли ҳудудини қисқа муддатли патруль назоратидан ўтказиш учун базани тарк этган, кечки пайт эса Сайтамага қайтиши лозим бўлганди.
Изоҳ (0)