Март ойининг охирида Тошкентда япон киноси кунлари ўтказилади

Япониянинг Ўзбекистондаги элчихонаси 25–27 март кунлари Тошкентда япон фильмлари кунларини ўтказади. Бу ҳақда UzDaily хабар бермоқда.

Элчихона берган маълумотга кўра, тадбир доирасида Киночилар уйида бешта бадиий ва иккита анимацион фильм кўрсатилади.

Япон киноси кунлари 25 мартда машҳур режиссёр ва драматург Кэндзи Наканисининг «Гуллар мавсумидан сўнг» фильми (2009) билан очилади.

26 март куни Макото Синкайнинг «Олис юлдуз садоси» (2002), Осаму Тэдзуканинг «Асторобой» (1981) анимелари, Синобу Ягутининг «Сузувчилар» (2001), Рюити Иноматанинг «Хаттот қизлар» (2010) фильмлари намойиш этилади.

Якуний 27 март куни намойиш этиладиган картиналар: соат 13:00 да Масахико Цугаванинг «Асахияма ҳайвонот боғи: Осмондаги пингвинлар» (2008), Кэндзи Наканисининг «Гуллар мавсумидан сўнг» (2009), Такаси Ямадзакининг «Ҳар доим: Учинчи авенюда кун ботиши» (2005) фильмлари намойиш этилади.

Кино намойишларига кириш бепул.