Хавфсизликка таҳдид мавжудлиги туфайли Германиянинг Анқарадаги элчихонаси, Истанбулдаги бош консулхонаси, ходимларнинг фарзандлари учун мактаб ва болалар боғчаси ёпилди, дея хабар бермоқда «РБК» Германиянинг Туркиядаги дипломатик ваколатхонаси тарқатган маълумотга таяниб. Унда айтилишича, фуқароларга Тақсим майдони ёнида жойлашган бош консулхона ҳудудига яқинлашмаслик тавсия этилмоқда.
Германия ташқи ишлар вазирлиги вазиятга аниқлик киритишича, хавфсизлик чораси потенциал хавф ҳақида пайдо бўлган маълумотлар билан боғлиқ, улар ҳали тасдиқланганича йўқ. Элчихона ходимлари қўлига келиб тушган огоҳлантиришларда Анқарадаги савдо марказида теракт хавфи мавжудлиги айтилган.
Эслатиб ўтамиз, 13 март, якшанба куни Анқарада портлаш содир бўлди. Сўнгги маълумотларга кўра, теракт натижасида 37 киши қурбон бўлди, 120 дан ортиқ киши яраланди.
Изоҳ (0)