Америка киноакадемияси «Оскар—2016» тақдирлаш маросимида Крис Рок томонидан билдирилган ирқчилик руҳидаги ҳазил учун узр сўради. Бошловчи келиб чиқиши осиёлик бўлганлар киноакадемияда ҳисобчи бўлиб ишлашини айтиб ўтганди, дея хабар беради Meduza.
Шунингдек, киноакадемия ташкилот аъзоларининг этник таркиби турлича бўлиши йўлида илк қадам ташлади. Жумладан, бошқарувчилар кенгашига қора танли режиссёр Режинальд Хадлин, ёзувчи Грегори Нава (Лотин Америкаси), келиб чиқиши осиёлик мультипликатор Женифер Ю Нельсон киритилди.
«Хилма-хиллик борасида кўрган чораларимиз билан фахрланаман. Бироқ ташкилотимиз этник озчилик учун янада очиқ бўлиши борасида ҳали кўп ишлашимиз кераклигини биламиз», — дея таъкидлаган киноакадемия президенти Бун Айзекс.
Изоҳ (0)