Шоҳрух рэпер яқин вақт ичида катта саҳнага қайтмоқчи. Бу ҳақда «Суғдиёна» газетаси хабар берди.
«Айни кунларда хаёлимни қамраб олган режалардан бири — катта саҳнага қайтиш. Продюсерлик қиламан, кўмаклашаман деган таклифлар бор. Бир ой ичида шу таклифлардан энг яхшисини кўриб чиқиб, катта саҳнага қайтмоқчиман», — деди рэпер.
«Айтиб ўтганимдек, бугун таклифлар кўп. Яна икки-уч йил бу соҳада ишласам бўлади. Ижодни янгидан бошласам, шоу-бизнесга қайтсам, албатта, концерт дастури ҳам бўлади», — деди Шоҳрух.
Аввалроқ, маълум муддат давом этган танаффусдан сўнг, Шоҳрух рэпер хонанда Шаҳзода билан дуэт куйлагани ҳақида хабар берилган эди.
Изоҳ (0)