«Сотқин» ва «Барон» фильмларидаги иштирокидан сўнг ўзбек киноихлосмандлари учун қайтадан кашф этилган Жавоҳир Зокиров хонандалик йўналишида ҳам жиддий шуғулланмоқчи эканлигини маълум қилди. Бу ҳақда «Даракчи.uz» хабар бермоқда.
«Қўшиқ куйлашни жуда яхши кўраман. Бу йўналишда аввал ҳам ишлаганман», — деди Жавоҳир Зокиров.
«Энди жиддий ижод билан шуғулланиб, мухлисларни хурсанд қилмоқчиман. Тўй-ҳашам, яхши кунларда хизматда бўлмоқчиман», — деди санъаткор.
«Клипларнинг телевидение орқали намойиш этилишига келсак, бунинг учун катта маблағ зарур», — дея қўшимча қилди Жавоҳир Зокиров.
Жавоҳир Зокиров ўзбекистонлик таниқли хонандалар — Ботир Зокиров ва Фаррух Зокировнинг жияни ҳисобланади. Аввалроқ, солисти Тоҳир Содиқов ҳисобланган «Болалар» гуруҳига Жавоҳир Зокиров асос солгани ҳақида хабар берилган эди.
Изоҳ (0)