Туркия ҳуқуқ-тартибот идоралари Анқара марказида содир этилган терактга алоқадорликда гумон қилиб, жами 17 кишини ҳибсга олди. Бу ҳақда «Интерфакс» хабар бермоқда.
Гумонланувчилар мамлакатнинг етти вилоятида қўлга олинган. Пойтахт бош прокурори Хорун Кодалакнинг билдиришича, полиция яна бир гумонланувчини қидиришда давом этмоқда.
Эслатиб ўтамиз, миналаштирилган машинанинг ҳарбийларни олиб кетаётган транспорт колоннаси ёнида портлаши оқибатида 27 нафар ҳарбий ва бир нафар давлат хизматчиси ҳалок бўлган, 61 киши турли даражада жароҳат олган.
Изоҳ (0)