Кеча, 18 февраль куни Франция суди Карим Бенземадан Франция миллий термасидаги собиқ жамоадоши Матье Вальбуэна билан мулоқот қилиш бўйича қўйилган тақиқни олиб ташлади, деб хабар беради «Корреспондент.net».
L’Equipe нашрининг хабар беришича, прокурор бу қарор устидан зудлик билан апелляция берди. Унинг апелляцияси 4 март куни кўриб чиқилади.
Шуни қайд этиш жоизки, суд қарори ўз кучида қолса, «Реал» ҳужумчиси Франция терма жамоасига қайтиши ва ўз ватанида ўтказиладиган Европа чемпионатида иштирок этиши мумкин.
Эслатиб ўтамиз, Карим Бензема Вальбуэнани шантаж қилиш иши бўйича ҳибсга ҳам олинганди. Кейинчалик Франция футбол федерацияси раҳбари Бенземани терма жамоадан четлатганди.
Изоҳ (0)