Барак Обама гравитация тўлқинларининг мавжудлигини тасдиқлаган олимларни табриклади
АҚШ президенти Барак Обама гравитация тўлқинларининг мавжудлигини тасдиқлаган олимларни табриклади. Бу ҳақда «ТАСС» хабар беради.
«Эйнштейн ҳақ бўлган! — деб ёзди Америка маъмуриятининг раҳбари Twitter ижтимоий тармоғидаги микроблогида. – Миллий фан жамғармаси ва ЛИГО лойиҳаси томонидан гравитация тўлқинларининг аниқланганлиги – бизнинг олам ҳақидаги тушунчамиз учун улкан янгилик билан табриклайман».
Эслатиб ўтамиз, 11 февраль куни Миллий фан жамғармаси гравитация тўлқинларининг мавжудлиги исботини бир вақтнинг ўзида икки – Луизиана ва Вашингтон штатларидаги обсерваториялар томонидан 2015 йилнинг 14 сентябрь куни қўлга киритилганлигини маълум қилган эди.
Аниқлашга эришилган тўлқинлар манбаси Ердан миллиард ёруғлик йили масофасидаги иккита қора туйнукнинг ўзаро туташиши бўлиб чиқди.
