Халқаро дзюдо федерацияси Франция пойтахти Париж шаҳрида бўлиб ўтган «Катта дубулға» туркумига кирувчи халқаро турнирдан сўнг спортчиларнинг Олимпия рейтинг жадвалини эълон қилди. Бу ҳақда Ўзбекистон Миллий олимпия қўмитаси матбуот хизмати хабар бермоқда.
Унга кўра, ўзбекистонлик спортчилар ўз вазн тоифаларида қуйидаги ўринларни эгаллаб турибди.
60 кг. Шарофиддин Лутфуллаев – 7-ўрин, Диёрбек Ўрозбоев – 16-ўрин66 кг. Ришод Собиров – 7-ўрин73 кг. Мирали Шарипов – 29-ўрин81 кг. Шаҳзод Собиров – 16-ўрин90 кг. Шерали Жўраев – 24-ўрин100 кг. Рамзиддин Саидов – 31-ўрин+100 кг. Абдулло Тангриев – 29-ўрин
Олимпия рейтинг очколари ўйналадиган мусобақалар якунига кўра, эркаклар ўртасида ҳар бир вазн тоифасида 1—22-ўринларни банд этган спортчилар Олимпиада ўйинлари йўлланмасига эга бўлади.
Агарда ҳар бир вазн тоифасида бир давлатдан бир нафар спортчининг Олимпиада ўйинлари йўлланмасига эга бўлишини инобатга олсак, айни пайтда ўз вазн тоифаларида кучли 22 таликка кирмай турган Мирали Шарипов, Шерали Жўраев ва Абдулло Тангриев каби спортчилар ҳам Олимпиада ўйинлари йўлланмасига даъвогарлар сафида турибди. Сабаби, ушбу вазнларда 1—22-ўринларни банд этиб турган спортчилар орасида бир давлатдан икки, уч хатто тўрт нафардан спортчилар жой олган.
Бугунги кунда фақатгина Рамзиддин Саидов кучли 22 таликдан ўрин олмай турибди. Бироқ ушбу дзюдочида Осиё квотаси мавжуд ва у кучли 22 таликка кирмаган ҳолатда ҳам Рио—2016 ўйинларига йўлланма олади.
Агарда Рамзиддин Саидов кучли 22 таликка кириб, Олимпиада ўйинлари йўлланмасига эга бўлса, у ҳолда Осиё квотаси Ўзбекистон қизлар терма жамоаси аъзоларидан бирига берилиши мумкин.
Изоҳ (0)