Зика вируси туфайли ўз соғлиғидан хавотирланаётган америкалик спортчиларга Рио—2016 га бормаслик тавсия қилинди

АҚШ Олимпия қўмитаси Америка спорт федерациялари ва спортчиларига Зика вируси туфайли ўз соғлиғидан қайғурувчиларга Рио-де-Жанейрода ўтказиладиган 2016 йилги ёзги Олимпиада ўйинларига бормасликни тавсия қилди. Бу ҳақда Reuters агентлиги маълумотига таяниб, «РБК» хабар беради.

Бу ҳақда қўмита Америка спорт федерациялари раҳбарлари билан телефон орқали конференция чоғида маълум қилган. Конференция январь ойи охирида бўлиб ўтган. АҚШ Олимпия қўмитаси вакили Марк Жонс бошқарма федерацияларни Зика вирусининг спортчилар учун хавфли эканлиги ҳақида хабардор этганлигини агентликка тасдиқлаган.

Февраль ойининг бошида Бразилия президенти маъмуриятининг раҳбари Жакис Вагнер ушбу вирус асосан ҳомиладор аёллар учун хавфли ҳисобланганлиги учун уларга Рио-де-Жанейрога келиш тавсия этилмаслигини маълум қилган эди.