Япония ҳукумати мудофаа кучларига Шимолий Кореянинг баллистик ракетаси учирилган тақдирда уни уриб туширишга буйруқ берди. Бу ҳақда ҳукуматдаги манбаларга таяниб, Kyodo маълум қилди, дея хабар беради «РИА Новости».
Япония ташқи ишлар вазири Фумио Кисида ҳукумат мамлакат фуқароларини ҳимоя қилиш учун барча чораларни кўришини билдирган. Ҳукумат бош котиби Ёсихидэ Суга эса КХДР баллистик ракетасининг учирилиши кутилмаганда ва огоҳлантиришсиз амалга оширилиши мумкинлигини таъкидлаган.
Эслатиб ўтамиз, олдинроқ сунъий йўлдош ёрдамида олинган суратлар таҳлилидан келиб чиқиб, Шимолий Корея ҳафта давомида узоқ масофага мўлжалланган баллистик ракета учирилишини режалаштираётгани ҳақида хабар берилганди.
Изоҳ (0)