Россиянинг Су-27 қирувчи самолёти АҚШнинг RC-135U жосус самолётидан олти метр (20 фут) нарида учиб ўтди. Бу ҳақда вазият билан таниш манбаларга таяниб, The Washington Free Beacon маълум қилди, дея хабар беради Meduza.
Ҳодиса 25 январь, душанба куни Қора денгиз устидаги халқаро ҳаво кенгликларида содир бўлган.
АҚШ мудофаа вазирлиги вакили Мишель Балданза Fox News телеканалига берган интервьюсида Россия самолётининг ҳаракатига «хавфли ва профессионалларга хос бўлмаган», дея баҳо берган. The Washington Free Beacon манбасининг таъкидлашича, ҳодиса туфайли АҚШ самолётининг бошқаруви бузилган.
Россия расмийлари мазкур вазиятга изоҳ бермаган.
Худди шунга ўхшаш ҳодиса 2015 йилнинг май ойида ҳам содир бўлганди.
Изоҳ (0)