Январь охирида Ўзбекистонда ҳаво ҳарорати кескин совийди

Январь ойининг охирида Ўзбекистонда ҳаво ҳарорати сезиларли совийди. Бу ҳақда «Ўзгидромет» ахборот бермоқда.

27 январь

Ҳаво ҳарорати пасайишни бошлайди, бутун мамлакат бўйлаб ёғингарчилик кузатилади, айрим ҳудудларда қор ёғиши мумкин. Кечаси Қорақалпоғистон, Хоразмда, шунингдек, Навоий вилояти шимолида -8 даражагача, тоғли ҳудудларда эса -10 даражагача совийди, қолган ҳудудларда 0 даражадан тушмаслиги кутилмоқда. Кундузи тоғли ҳудудларда -5 даражагача, Қорақалпоғистон ва Хоразмда, шунингдек, Навоий вилоятида шимолида -3 даражагача совуқ бўлиши, қолган ҳудудларда +3...+10 даража илиқ бўлиши кутилмоқда.

28 январь

Бутун мамлакат бўйлаб ёғингарчилик кузатилади, айрим жойларда вақти-вақти билан қор ёғиши мумкин. Кечаси бутун Ўзбекистонда ҳаво ҳарорати кескин пасаяди, шимолий ҳудудлар (Қорақалпоғистон, Хоразм, Навоий вилояти шимоли)да -12 даражагача, Фарғона водийсида -8 даражагача, жануб (Қашқадарё, Сурхондарё)да -7 даражагача, марказий вилоятларда (Тошкент, Самарқанд, Жиззах, Сирдарё) эса -3 даражагача совуқ бўлади. Кундузи ҳам совуқ иқлим шароити сақланиб қолади.

29 январь

Бутун мамлакат бўйлаб ёғингарчилик кузатилади, айрим жойларда вақти-вақти билан қор ёғиши мумкин. Кечаси шимолий ҳудудларда -12 даражагача, Фарғона водийсида -8 даражагача, жанубий ва марказий вилоятларда -7 даражагача совуқ бўлади. Кундузи ҳам совуқ иқлим шароити сақланиб қолади, баъзи ҳудудларда +3...+5 даражагача илиқ бўлиши мумкин.

30 январь

Бутун мамлакат бўйлаб ёғингарчилик кузатилади, айрим жойларда вақти-вақти билан қор ёғиши мумкин. Кечаси шимолий ҳудудларда -12 даражагача, Фарғона водийсида -8 даражагача, жанубий ва марказий вилоятларда -7 даражагача совуқ бўлади. Кундузи ҳам совуқ иқлим шароити сақланиб қолади, баъзи ҳудудларда +3...+5 даражагача илиқ бўлиши мумкин.

• Январда баҳор: Ўзбекистондаги ноодатий илиқ ҳаво дарахт ва гулларни уйғотмоқда