Москвадаги «Крокус Сити Холл» концерт залида 24 январь, якшанба куни Чеченистон раҳбари Рамзан Қодиров томонидан жомеъ масжиди қайта очилиши муносабати билан пойтахт мусулмонларига тортиқ этилган Муҳаммад (с.а.в.) пайғамбарнинг сочи намойиш этилди. Бу ҳақда «Рус янгиликлар хизмати» хабар бермоқда.
Пайғамбар сочи мавлуд байрами — Муҳаммад (с.а.в.) пайғамбар туғилган кун муносабати билан уюштирилган театрлашган томоша чоғида кўргазмага қўйилди. Уни 1,5 соат давомида 7 минг киши кўришга муваффақ бўлган. Ташкилотчилар Рамзан Қодиров 2015 йил сентябрида Москва мусулмонларига ҳадяни топширганидан бери унинг илк бор намойиш этилиши эканлигини таъкидлаган.
Изоҳ (0)