Ҳиндистон пойтахтида совуқ туфайли 21—23 январь кунлари бошланғич синфларда дарслар бекор қилинди ва юқори синфлардаги машғулотлар вақти қисқартирилди: улар дарсларни бир соат кеч бошлайди ва бир соат эрта тугатади. Бу ҳақда «ТАСС» хабар бермоқда.
Шу тариқа мактаб ўқувчилари, хусусан, бошланғич синф ўқувчилари йил бошидан бери дам олмоқда. Олдинроқ ҳаво ифлосланиши даражаси ошгани туфайли Деҳли расмийлари хусусий автотранспорт ҳаракатини чекланганидан сўнг ўқув муассасаларидаги машғулотлар 15 январгача тўхтатилганди.
22 январь, жума куни Ҳиндистон пойтахтида қиш бошланганидан бери энг совуқ кун қайд этилди: термометр 4,2 даража илиқни кўрсатди. Мамлакатда марказий иситиш тизими бўлмагани сабабли расмийлар бундай об-ҳаво ўқувчилар саломатлигига салбий таъсир кўрсатишидан хавотирланмоқда.
Изоҳ (0)