16 январь, шанба куни Россиянинг «НТВ» телеканалида Жон Уорреннинг Ўзбекистонда, Самарқандда суратга олинган «Поедем, поедим!» («Борамиз, тановул қиламиз») кўрсатуви намойиш этилди. Бу ҳақда «Afisha» хабар берди.
Кўрсатув бошловчиси, Буюк британиялик Жон Уоррен 20 йилдан бери Россияда яшайди. У 2012 йилдан бошлаб «НТВ» каналида «Поедем, поедим!» («Борамиз, тановул қиламиз») номли мазали таомлар ва қизиқарли саёҳатлар ҳақидаги шоуни олиб боради.
2015 йил ноябрида Жон суратга олиш гуруҳи билан бирга Ўзбекистонда бўлди ва Самарқанд ҳақида ҳикоя қилувчи кўрсатув тайёрлади. Унда қадим шаҳар тарихи баён қилинган, гилам тўқиш ва сўзана тикиш, нон ёпиш ва димлама тайёрлаш жараёнлари кўрсатилган, ўзбек бозорининг ўзига хос томонлари акс эттирилган.
Россия тасвирга олиш гуруҳининг Ўзбекистонга сафари «Ўзбектуризм» миллий компанияси кўмагида амалга оширилган.
Изоҳ (0)