Кейт Миддлтонга Huffington Post’га редакторлик қилиш таклиф этилди
Huffington Post нашри Кембриж герцогиняси Кейт Миддлтонга таклиф этилган редактор сифатида ҳамкорлик қилишни таклиф қилди. Бу ҳақда Us Weekly маълумотига таяниб, «Корреспондент.net» хабар беради.
Нашр раҳбарияти Кейт Миддлтон ҳамкорлик доирасида бир нечта муаллифлик мақоласини тақдим этишини кутмоқда. Улардан бири кутилмаган мавзу – болаларнинг руҳий саломатлиги ҳақида бўлса, иккинчиси қироллик оиласи вакили учун анъанавий мавзу – хайрия ишлари ҳақида бўлади.
Кейт Миддлтон ушбу икки соҳадаги кузатишлари ва тажрибаларини кенг аудитория билан бўлишиш имкониятига эга бўлади. Унинг редакторлик лавозимидаги навбатчилиги фақат бир кун давом этиши маълум қилинмоқда.
Маълумки, болаларнинг руҳий саломатлиги мавзуси Кейт Миддлтоннинг хайрия фаолиятидаги асосий мавзулардан бири ҳисобланади. У бир вақтнинг ўзида ушбу масала билан шуғулланувчи бир нечта ташкилот ва жамғармани қўллаб-қувватлаган.
