Тошкент вилоятидаги Олмалиқ кон-металлургия комбинати 118 миллион долларлик бойитиш мажмуаси модернизациясини якунлади, дея хабар бермоқда «Газета.uz».
Лойиҳа доирасида учта шарли тегирмон ҳамда узунлиги 1,2 километрлик тўққизта конвейердан ташкил топган автоматлаштирилган конвейер мажмуаси ўрнатилди.
Лойиҳа комбинатнинг мисни бойитиш фабрикаси янчиш ва майдалаш бўлинмаларини реконструкция қилишни кўзда тутган эди. Асосий технологик ускуналарни Россиянинг «Тяжмаш» заводи етказиб берди. 73,9 миллион долларлик техникани етказиш ҳақидаги шартнома 2012 йил охирида имзоланган эди.
Модернизация туфайли, мажмуа қуввати 20 фоизга ошди, энди йилига 35 миллион тонна рудани қайта ишлаш мумкин.
Изоҳ (0)