«Укрнафта» Гаага арбитраж судига Россияга қарши даъво киритди
«Укрнафта» Гаага халқаро арбитраж судига ўз инвестицияларини ҳимоя қилиш ҳақида Россия Федерациясига қарши даъво киритди. Бу ҳақда суд сайти маълумотига таяниб, Meduza хабар беради.
Даъво халқаро савдо ҳуқуқи бўйича БМТ комиссияси регламенти (UNCITRAL) ҳамда Россия Федерацияси ва Украина ҳукуматлари ўртасидаги инвестицияни ҳимоя қилиш тўғрисидаги 1998 йил 27 ноябрдаги келишуви асосида киритилган.
Худди шу асослар бўйича Россияга қарши Украинанинг «Кировоград-Нафта», «Қрим-Петрол», «Пирсан», «Трейд-Траст», «Элефтерия», «ВКФ Сатек», «Рустел», «Рубенор», Stemv Group, Novel-Estate ва Stabil компаниялари ҳам даъво киритди.
Бундан ташқари, Гаага арбитраж судига украиналик тадбиркор Игорь Коломойский ҳам Қримда жойлашган «Бельбек» аэропортидаги инвестициялари ҳимояси бўйича мурожаат қилди.
