Германиядагилар ЖЧ—2006 мезбонлигини ҳалол йўл билан қўлга кирита олишмаганини тан олди

Германия футбол иттифоқи (DFB) муваққат раҳбари Райнер Кох 2006 йилги жаҳон чемпионатини ўтказиш ҳуқуқини қандай қўлга киритишгани ҳақида гапириб берди, деб ёзади «Корреспондент.net».

Унинг айтишича, мезбон мамлакатни танлаб олиш жараёни ФИФА тизими аллақачон коррупция билан «зарарланган» вақтда ўтказилган. «Ўша пайтда турнирни ҳалол, спортча йўл билан қўлга киритиш мумкин эмасди. Чемпионат Германияда бўлиб ўтиши учун кўп нарса қилдик. Биз қонундан ташқарига чиқдикми? Буни тергов кўрсатади», — деди Кох.

Аввалроқ Spiegel тадқиқотлари Германия футбол иттифоқи раҳбари Вольфганг Нирсбах ФИФА амалдорларига пора берганини фош қилган эди, шундан сўнг Нирсбах истеъфо беришга мажбур бўлган эди.