ОАВ: Хитой қоронғи материяни ўрганиш учун космосга ўзининг биринчи сунъий йўлдошини учирди

Хитой қоронғи материяни ўрганиш учун космосга ўзининг биринчи сунъий йўлдошини учирди. Бу ҳақда «Синьхуа» агентлиги маълумотига таяниб, «ТАСС» хабар беради.

Сунъий йўлдош шимоли-ғарбий Гансу вилоятида жойлашган Цзюцюань космодромидан Changzheng-2D ракета ташувчиси ёрдамида учирилди.

DAMPE (Dark Matter Particle Explorer) сунъий йўлдоши қуёшли синхрон орбитага 500 километр баландликка чиқиб, космосда катта қувватли зарралар кузатувини олиб боради.

Сунъий йўлдош орқали олинган маълумотларни Ерда юздан ортиқ мутахассис тадқиқ этади. Тадқиқотнинг дастлабки натижалари 2016 йилнинг иккинчи ярмида чоп этилиши кутилмоқда.