Машҳур актриса Гвинет Пелтроуга тегишли бўлган Нью-Йоркдаги дўкондан жами 173 минг 465 доллар қийматидаги заргарлик буюм ва соатлари ўғирлаб кетилди. Бу ҳақда мегаполиснинг полиция бошқармаси берган маълумотларга асосан «ТАСС» хабар қилмоқда.
Полиция маълумотига кўра, ўғирликни уч нафар шахс Goop Mrkt номли дўконда, дўкон ишлаб турган вақтда, 5 декабрь, шанба куни содир этган. Ўғриларнинг иккитаси сотувчиларни чалғитиб турганда, уларнинг учинчи шериги билдирмасдан ўткир мослама ёрдамида қимматбаҳо буюмлар бўлган витринани очган.
Пелтроу ўзининг дизайнерлик кийим ва аксессуарлар дўконини Нью-Йоркнинг Манхэттен ҳудудида 2015 йил 23 ноябрда ишга туширган эди. Унинг шу каби савдо дўконлари Даллас, Чикаго ва Лос-Анжелес шаҳарларида ишлаб турибди. Дўконларда машҳур Valentino мода уйи билан ҳамкорликда ишлаб чиқарилган буюмлар сотилади.
Изоҳ (0)