Лондондаги Миллий табиацҳунослик музейи 51-маротаба ташкил этилган халқаро Wildlife Photographer of the Year фототанлови ғолиблари номини эълон қилди.
Pixel хабарига кўра, 2015 йилги танловда канадалик ҳаваскор фотосуратчи Дон Гутоски «Икки тулки ҳақида қисса» фотосурати билан ғолибликни қўлга киритди.Икки тулки ҳақида қисса
Бош соврин соҳиби «Сут эмизувчилар» туркумиФотосурат муаллифи: Дон Гутоски, Канада.
Малла тулкилар қутб тулкиларига қарши фаол ов қилмайди, бироқ йиртқичларнинг йўллари кесишиб қолса, низо чиқиши тайин. Ёритиш шароитлари хира эди, бироқ вазиятнинг аянчли экани оппоқ қор фонида аниқ кўриниб турибди.Лойхўрак
Ёввойи табиатни суратга олиш бўйича 11—14 ёшли энг яхши фотосуратчиФотосурат муаллифи: Ондрей Пеланек, Чехия
Норвегиянинг Варангер яриморолида яшовчи нар лойхўраклар оила қуриш ва авлод қолдиришга ким кўпроқ муносиблигини аниқлаш мақсадида жанг қилмоқда.Алвон ибислар парвози
Ёввойи табиатни суратга олиш бўйича 15—17 ёшли энг яхши фотосуратчиФотосурат муаллифи: Жонатан Жагот, Франция
Жагот Бразилия шимоли-шарқидаги Ленсойш дарёси қирғоғи яқинида қайиқда ўтираркан, қум ва тропик мовий осмон фонида учиб кетаётган алвон ибисларни суратга олганди.Учовлон
«Қушлар» туркуми ғолибиФотосурат муаллифи: Амир Бен-Дов, Исроил
Ижтимоийлашган бу қирғийлар тўда бўлиб Марказий ва Шарқий Европадан жанубий ва жануби-ғарбий Африкага кўчиб юради.Натюрморт
«Амфибиялар ва судралиб юрувчилар» туркуми ғолибиФотосурат муаллифи: Эдвин Гисберс, Голландия
Сув сатҳида қотиб қолган букри тритон.
Оғзи тўла кит
«Сувости дунёси» туркуми ғолибиФотосурат муаллифи: Майкл Ау, Австралия
Брайд йўл-йўл кити сардин балиқларини тўдаси билан бирга ютиб юборяпти.
Сув ўтларидан ҳосил бўлган санъат асари
«Юқоридан кўриниш» туркуми ғолибиФотосурат муаллифи: Пере Солер, Испания
Ҳар йили баҳорда Андалусия соҳилларидаги Баия-де-Кадис табиат боғида юқоридан худди шундай манзарага гувоҳ бўлиш мумкин.Пиёданинг сояси
«Шаҳарда» туркуми ғолибиФотосурат муаллифи: Ричард Питерс, Буюк Британия
Шаҳарликларнинг аксарияти улар билан ёнма-ён яшаётган тулкини одатда мана шундай қиёфада кўради.Санъатга уйғунлашиб кетган ҳаёт
«Таассуротлар» туркуми ғолибиФотосурат муаллифи: Хуан Тапиа, Испания
Тапиа мўйқаламда чизилган расмда қалдирғоч сиғадиган даражада тешик қолдириб, уни эски бир болохона деразага жойлаштириб қўйди. Фотосуратчи қуш тешик орқали «расм ичига кириб келган» вазиятни тасвирга муҳрлади.Таслим бўлган мушуклар
«Ёввойи табиат фотожурналисти — 2015» махсус соврини соҳибиФотосурат муаллифи: Бритта Яшчински, Германия / Буюк Британия
Хитойнинг Гуйлин шаҳридаги «Етти юлдуз» боғида чиқиш қилаётган шерлар. Уларнинг тишлари ва тирноқлари суғуриб олинган. Бритта сўнгги 20 йилдан бери жаҳон бўйлаб саёҳат қилади, бироқ Хитойдаги каби шафқатсизликка ҳеч қаерда дуч келмаганди.