Ўзбекистон миллий терма жамоаси ҳужумчиси Игорь Сергеев Ўзбекистон профессионал футбол лигасининг октябрь ойидаги энг яхши футболчиси, деб топилди. Бу ҳақда Ўзбекистон футбол федерацияси матбуот хизмати хабар бермоқда.
Ўзбекистон Профессионал футбол лигаси ва «Championat.asia» ҳамкорлигида ташкил этилган ой лауреатларини аниқлаш борасидаги сўровномада «Сўғдиёна», «Динамо» ва «Машъал» (2 та) билан ўйинларда жами 4 та гол урган Сергеев 63 очко тўплади. Таъкидлаш лозимки, ҳужумчи июнь ойида ҳам ушбу сўровномада энг яхши футболчи деб эътироф этилган эди.
Шу ўринда таъкидлаб ўтиш жоиз, Қаршининг «Насаф» клуби бош мураббийи Рўзиқул Бердиев 71 очко тўплаб октябрь ойининг энг яхши мураббийи номига сазовор бўлди.
Изоҳ (0)