Непаллик хакер Сачин Такури Facebook ижтимоий тармоғида истаган кишини «бўшатиш» имконини берадиган «баг» (дастурдаги хатолик)ни топди, деб хабар қилади «Сегодня.ua».
Такури Facebook’даги постнинг ҳаволасини чоп этди, унда ижтимоий тармоқ асосчисининг ишдан кетганлиги ҳақида айтилади. Аслида Марк Цукербергнинг компаниядан кетганлиги ҳақида ҳеч қандай янгилик чоп қилинмаган.
Хакернинг сўзларига кўра, ҳамма гап сайтдаги «баг»да. Хатолик қаердадир иш бошлангани тўғрисидаги постни ишдан кетганлик ҳақидаги постга алмаштириш имконини беради.
Такурининг қайд этишича, ушбу «баг» фойдаланувчиларнинг хавфсизлигига таҳдид қилмайди. Шунга қарамай, ҳазилкашлар ундан кимларнидир чалғитиш учун фойдаланиши мумкин. Хакер хатолик ҳақида ижтимоий тармоқ маъмуриятига хабар қилгани, аммо улар ҳозирча ҳеч қандай муносабат билдирмаганини айтиб ўтди.
Изоҳ (0)