«Водийгазтаъминот» унитар корхонасининг Бувайда филиалига 2009—2014 йилларда раҳбарлик қилган шахс фақат қоғозда бор ходимларнинг ойлигини ўзлаштириш билан шуғулланиб келгани маълум бўлди. Бу ҳақда «Фарғона ҳақиқати» газетаси хабар бермоқда.
Бувайдадаги газ таъминоти корхонаси раҳбари мансаб мавқеини суиистеъмол қилиб, жиянини филиалга қоровулликка, туман ҳокимлигида котиба бўлиб ишловчи аёлни эса назоратчи лавозимига ишга олиб, 2013 йил октябрь—ноябрь ойларидан 2014 йил июнига қадар уларга умумий ҳисобда 12,3 миллион сўмдан ортиқ иш ҳақи ҳисоблаб, пулни ўзлаштирган.
«Судланувчи айбига тўлиқ иқрор бўлди. Суд унга 2 йил муддатга моддий жавобгарлик ва мансабдор вазифаларда ишлаш ҳуқуқидан маҳрум қилиб, иш ҳақининг 20 фоизини давлат даромади ҳисобига ушлаб қолган ҳолда, 2 йил муддатга ахлоқ тузатиш ишлари жазоси тайинлади», — дейилади газета хабарида.
Изоҳ (0)