АҚШ ядро хавфсизлиги миллий бошқармаси Невададаги Тонопа полигонида такомиллаштирилган B61-12 атом бомбасининг якуний синови ўтказилганини маълум қилди. Синов ядро портлашларини тақиқлаш тўғрисидаги халқаро шартномага биноан жанговар зарядсиз амалга оширилган, дея хабар беради «РИА Новости».
«Мазкур якуний синовлар мамлакат ва унинг иттифоқдошлари хавфсизлиги сўзсиз таъминланиши далолатидир», — дейилади ташкилот томонидан тарқатилган баёнотда. F-15E самолётидан бомба ташланиши бошқариладиган тартибда бўлгани, кўзда тутилмаган ҳолатлар рўй бермагани таъкидланмоқда.
Такомиллаштирилган бомбанинг ишлаб чиқарилиши 2020 йилгача бошланиши режалаштирилган.
Изоҳ (0)