Игорь Сергеев Ўзбекистон — КХДР ўйинининг энг яхши футболчиси деб топилди

Ўзбекистон терма жамоаси кеча, 12 ноябрь куни  ЖЧ-2018 саралаш босқичи доирасида КХДРни қабул қилди ва 3:1 ҳисобида ғалаба қозонди, деб хабар беради «Stadion.uz».

Учрашув расмийлари томонидан ўйиннинг энг яхши футболчиси сифатида Ўзбекистон термаси ҳужумчиси Игорь Сергеев тан олинди.

«Пахтакор» ҳужумчиси ўйиннинг 24-дақиқасида Жепаров томонидан етказилган узатмага бош билан зарба бериб, ҳисобни тенглаштирди. Мазкур гол Ўзбекистон учун муҳим аҳамиятга эга бўлди. Иккинчи бўлимда жамоа ғалабани ўз томонига оғдира олди.