«Газета.ru» муштарийлари томонидан беморга юрак кўчириб ўтказилиши учун зарур маблағ бир суткада тўпланди

«Маблағ йиғиш якунланди» – бу сўзларни шифокор ёрдамига муҳтож, бироқ бунинг учун етарли маблағга эга бўлмаган юзлаб кишилар эшитишни истайди. Энди бу сўзларни оренбурглик 24 ёшли Людмила Пименованинг саҳифасида кўриш мумкин, деб хабар беради «Газета.ru».

Бир суткадан кам вақт ичида «Газета.ru» ва «Эхо Москви» сайти ўқувчилари Люданинг ҳисобига керакли суммани ўтказди.

Люда Пименова 24 ёшда бўлса-да, унинг ташқи кўринишига қараб 16 ёш бериш мумкин. Бўйи 1,65 бўлишига қарамасдан, унинг вазни бор-йўғи 45 килограммни ташкил этади. У охирги ярим йил ичида жуда озиб кетди, чунки у деярли овқатланмайди, фақат сув ичади. Люданинг юраги оғир хасталикка чалинган ва сўнгги бир неча ой давомида икки баробарга катталашган.

Люда ва унинг онаси ёрдам учун хайрия жамғармаларига мурожаат қилди. Пул тўплаш уч ой давом этди, шу вақт ичида қизга 46 минг доллар ўтказилди. Қолган 74 минг доллар эса «Газета.ru» ва «Эхо Москви» муштарийлари томонидан бир суткадан кам вақт ичида тўпланди.

Людага юрак кўчириб ўтказиш бўйича операция Ҳиндистоннинг Ченнаи шаҳрида амалга оширилади.