Жавоҳир Зокиров «Москвободдан қочиш» фильмидаги роли учун Россиядаги фестивалда дипломга эга бўлди

Ўзбекистонлик машҳур актёр Жавоҳир Зокировга «Москвободдан қочиш» («Побег из Москвабада») фильмидаги ижроси учун «Пробуждение» Бутунроссия кинофестивалида энг яхши бош рол ижрочиси йўналишида диплом топширилди. Бу ҳақда актёр My Day нашрига берган интервьюсида айтиб ўтди.

Маълум бўлишича, ушбу фильм сценарийси ўзбекистонлик режиссёр Юсуф Розиқовга тегишли бўлиб, Жавоҳир Зокиров унда уйи ва оиласидан узоқдаги Ҳасан исмли муҳожирни жонлантиради.

Актёр Россияда, шунингдек «Остоналар» («Пороги») сериалида ҳам суратга тушди. Бундан ташқари, Ўзбекистонда унинг янги «Барон» фильми (режиссёр — Рустам Саъдиев) яқинда премьера қилинади.