Бухарестдаги тунги клубда рўй берган ёнғин қурбонлари сони 46 кишига етди. Олдинроқ ҳалок бўлганлар 44 киши эканлиги билдирилганди. Бу ҳақда «РИА Новости» хабар бермоқда.
8 ноябрь, якшанба куни фожиа содир бўлган чоғда клубда чиқиш қилган гуруҳ зарбчиси Богдан Энаке касалхонада вафот этди. Уни даволаш учун Швейцарияга самолётда жўнатилаётганда Энакенинг ҳолати оғирлашган ва самолёт ортига қайтиб, Руминияга қўнган. 9 ноябрь, душанба куни Тель-Авив касалхонасида фотосуратчи ва журналист Теодора Мафтей ҳаётдан кўз юмди.
Эслатиб ўтамиз, Нидерландия, Норвегия, Австрия, Бельгия, Германия, Буюк Британия ва Исроил каби мамлакатлар жабрланганларни касалхоналарида жойлаштиришга рози бўлган. Айни пайтда Бухарест касалхоналарида 83 киши қолмоқда, улардан 21 кишининг ҳолати оғир эканлиги айтилмоқда.
Изоҳ (0)