РФ матбуот ишлари бўйича собиқ вазири Михаил Лесин Вашингтонда вафот этди

Россия Федерацияси матбуот ишлари бўйича собиқ вазири Михаил Лесин 5 ноябрь, пайшанба куни Вашингтонда вафот этди. Бу ҳақда «ТАСС» Россиянинг АҚШдаги элчихонаси маълумотига таяниб хабар беради.

Ҳозирда унинг ўлими сабаблари аниқланмоқда. Маълум бўлишича, 4 ноябрь, чоршанба куни кечқурун Лесин тирик бўлган. Бироқ 5 ноябрь куни эрталаб у тўхтаган шаҳар марказидаги «Дьюпон серкл» меҳмонхонаси хизматчиси уни ўлик ҳолда топган.

Дастлабки маълумотларга қараганда, унда ўлдириш аломатлари аниқланмаган. Шунга қарамасдан, маҳаллий полиция суриштирув ишларини бошлади.

Департамент полицияси матбуот ходими Шон Хикманнинг маълум қилишича, унинг ўлими билан боғлиқ шубҳали ҳолатлар аниқланмаган.