2 октябрь, жума куни куни Ўзбекистон Республикаси Ташқи ишлар вазирлигида Сингапур Республикасининг Фавқулодда ва мухтор элчиси (қароргоҳи Сингапурда) Зулкифли бин Баҳаруддин билан учрашув бўлиб ўтди. Бу ҳақда вазирлик матбуот хизмати маълум қилди.
Юртимизга ташриф буюрган элчи Ўзбекистоннинг қатор вазирлик ва идоралари ҳамда Тошкент шаҳар ҳокимлигида ўтказилган учрашувлар самарали бўлганлигини қайд этди. Ушбу учрашувларда ҳамкорликнинг амалий масалалари муҳокама қилинган.
Мулоқот чоғида икки томон ҳам барча йўналишларда ўзаро манфаатли алоқаларни изчил ривожлантиришга тайёр эканлиги таъкидланди.
Изоҳ (0)