Россиядаги зўравонлик билан содир этилган қотилликларнинг учдан икки қисми алкоголь билан боғлиқ. Бу ҳақда, Россия Соғлиқни сақлаш вазирлиги маълумотларига асосланиб, «Интерфакс» хабар бермоқда.
Россия Соғлиқни сақлаш вазирлиги вакили Олег Салагайнинг сўзларига кўра, мамлакатдаги юрак-қон томир касалликлари билан боғлиқ ўлим ҳолатларининг 25 фоизига ҳам алкоголь сабабчидир. Қайд этишларича, алкоголь айниқса 20—39 ёш оралиғидаги кишиларга катта хавф туғдиради.
Статистик маълумотларга кўра, суррогат (сунъий) алкоголь истеъмол қилувчи кишилар орасида ўлим хавфи оддий алкоголни ҳаддан ташқари кўп ичувчиларга нисбатан икки баробар, алкоголь ичимликлар ичмайдиган кишиларга нисбатан эса 13 баробар юқоридир.
Изоҳ (0)