Ўзбекистон Миллий телерадиокомпаниясининг халқаро алоқалар бўлими Европа Чемпионлар Лигасининг 2015/16 йилги мавсумдаги ўйинларини трансляция қилиш бўйича музокараларни давом эттирмоқда. Бу ҳақда МТРКнинг халқаро алоқалар бўлими «Дарё»га маълум қилди.
«Спорт» телеканали ЕЧЛ ўйинларини трансляция қилиш ҳуқуқини мусобақа бошланишига бир кун қолганда ҳам қўлга киритиши мумкин. Музокаралар анчадан буён давом этмоқда, аммо ҳалигача ижобий якун топгани йўқ.
Чемпионлар Лигаси гуруҳ босқичининг 1-тур ўйинлари 15 сентябрь куни бошланади.
Эслатиб ўтамиз, UzReport TV телеканали Ўзбекистонда Европа Чемпионлар Лигаси ўйинларини тўғридан-тўғри трансляция қилиш ҳуқуқини қўлга киритган.
Изоҳ (0)