Европаликлар 9 та автомобилни краш-тестдан ўтказди

Европада дунёнинг етакчи ишлаб чиқарувчиларига тегишли тўққизта янги модель иштирокида кенг кўламли краш-тестлар кетма-кетлиги ўтказилди, дея хабар бермоқда «Газета.ru».

Хавфсизлик тизимлари танловида премиум классдаги янги катта йўлтанламаслар ғолиб чиқди. Янги Volvo XC90 эса ҳайдовчи ва йўловчи ҳимояланганлиги бўйича тарихдаги энг яхши натижани кўрсатди.

Синалган моделлардан иккитасигина энг юқори баҳо — беш юлдузга эга бўла олмади, булар Mitsubishi L200 янгиланган пикапи ва Mazda CX-3 ихчам кроссоверидир.

Тўққизта модель ичида яқинда янгиланган ХC90 энг хавфсиз автомобиль бўлди. Хавфсизликка алоҳида урғу берадиган Швеция маркаси деярли ҳеч қандай камчиликка эга бўлмаган моделни намойиш эта олди.