Қозоғистонда долларнинг қиймати 240 тенгегача тушди

20 август куни айирбошлаш шохобчаларида доллар 259 тенгега кўтарилиб кетган бўлса, 21 августнинг туш пайтига келиб унинг қиймати 240 тенгегача тушиб кетди. Бу ҳақда «Nur.kz» хабар беради.

Доллар қийматининг пасайиши деярли барча айирбошлаш шохобчаларида кузатилмоқда. Агар эрталаб доллар 251—253 тенгега сотилган бўлса, кундузги иккиларга келиб у 241—242 тенгега тушди.

Пасайиш тренди кузатилаётган Қозоғистон биржасидаги савдолар валюта бозорига таъсир кўрсатмоқда. Савдоларнинг очилишида долларнинг кўрсаткичи 249,6 тенгедан иборат бўлган бўлса, биржанинг кундузги сессиясида унинг қиймати 246,9 тенгени ташкил этди.